الشاعر فريون بن سلمان المفالحة الشراري

الشاعر فريوان بن سلمان الناجي(*) المفلحي ( نسبة للمفالحة ) الفليحاني الشراري والذي توفي في حدود عام 1409 هـ(1) رحمه الله تعالى

له شعر كثير في الوصف والمدح وغيرها, اختفى أكثره ولم يبق منه إلا القليل الذي حُفظ عن طريق السماع لأن الشاعر – رحمه الله – لايسمح بكتابة أو تسجيل شعره لسبب في نفسه رحمه الله تعالى والمتابع لقصائد هذا الشاعر يلحظ النزعة الإيمانية في قصائده مما يدل دلالة أكيدة أن هذه القبيلة تربت على الدين والخلق بفضل الله تعالى

كان – غفر الله له – جميل الوصف , قوي العبارة ومن قصائده التي قمت بتدوينها من أقواه الرواه ., حيث أنه من الشعراء الذين لم تدون لهم قصائد في الكتب التي أُلفت في شعراء القبيلة

1-ومن قصائده – رحمه الله – التي قمت بتدوينها قصيدته الشهيرة (أشوف لي وقت(ن) كثير(ن)غياره ) وكان عندي منها أبيات قليلة حتى أتتني كاملة من الأستاذ /ناجح بن غريس الثريا الشراري – حفظه الله –(2) وإليكم هذه القصيدة النادرة :

يـــا مـســوي الفـنـجـال زود بـهــاره

             الله يـمـهــل لــــك سنيـن(ن)طـويـلـة

انــــا عـلـيــه مــــاه ووقــــاد نــــاره   

              و احـضـره و الــرزق ربـــي كفـيـلـه

الـلــي يـجـلـي ليـلـهـا عـــن نــهــاره 

              مــــده ولا مــــد الـيـديــن الـبـخـيـلـة

ودقــه بنجـر(ن)يـوم تـنـوش طـــاره 

                طنيـب ذيب(ن)مفخت(ن)عـن زميلـه

أغـــــار و لا لله وفـــقـــه بــمــغــاره 

            حـاف الشلايـا والعشـا مـا صفـي لـه

يعجـبـك بالفـنـجـال شـوفــة حـمــاره 

              دم الـغــزال الــلــي طــــرح بمـقـيـلـه

وصبه على اللي ما يهـاب الخسـارة  

             هـديــب شــيــال الـحـمــول الثـقـيـلـة

مقـلـط(ن) روس الـكـبـاش وفـقــاره   

               ذبـــــاح للـخـطـارحـيـل(ن) جـلـيـلــة

وان ركـبـت شـهـب الليـالـي غـبــاره  

               حـمـل خـويـه فــوق حـمـلـه يشـيـلـه

وان ثـارت الهيـجـا وتقـطـع شــراره   

               الخـيـل عــن حـســه تـزايــد جفـيـلـه

أشوف لـي وقـت(ن) كثير(ن)غيـاره  

               الـخـيـر واجــــد والـونـاســة قـلـيـلـة

والجار ما يشفق علـى شـوف جـاره   

              وقـطـع اللـحـم والــدم بـيـن القبـيـلـة

تلـقـى ثــلاث رجــال بـوســط حـــارة 

                الـو(3) حديهـم ينوجـع مـا دري لـه

الا ولــــو شــيــف عــنــده ســمــارة     

                ان ما عنا(4) للناس كل(ن) يجي له

كـل(ن) يعـرض لــه و يـاخـذ وقــاره 

             ومصالـحـه تقـضـى بنـفـس سهـيـلـة

لـو يطـرد الخـطـار مــن وســط داره     

             ويجـفـلـه بـالـلـيـل نـفـضــة شـلـيـلـه

مــن عــاش بــدر بالـريـا و القـمـارة 

              هـــــذاك تـــــاه وتــيـــه الله دلــيــلــه

يا سرع مـن عقـب الطلـوع انحـدارة   

              سـهـم(ن) تـوجـه نيـتـه تلـتـوي لـــه

كـل(ن) حصيلـه يجمعـه مــن بــذاره   

            مــن بـيـن ستر و بـيـن درب الفشيـلـة

ولا من ورا فروخ البواشـك صقـارة    

               يـا ويـل مـن بنـت الـردي لـه حليـلـة

كـل(ن) ـ علـى ماقـيـل ـ يـرجـع لـكـاره 

             ولا اظـن بنـت السيـس تاتـي كحيلـة

أيـــات صـيــد مـحـفـرات الـجـحــارة 

             أيــه وصـيـد الـلــي تـقــود الجمـيـلـة

فـرق العـذارى بالشـرف والشـطـارة   

                فــرق الـربـيـع عـــن الديارالمحـيـلـة

2-و من روائع الشاعر قي الوصف والحكمة ,أنه أصابه مرض وضعف بصره و تعب-رحمه الله- و كان مع ربعه و جماعته من عرب الشيخ فدمان العليان و هزيل الهلوع فجاءه واحد من جماعته اسمه رمثان الناجي وطلب منه رمثان أن ياخذه معه للديرة اللي هو يعمل فيها حتى يعالجه و الشاعر فريوان ما قدر يترك جماعته و ربعه فوجه لرمثان هذه الأبيات :

البارحه أصخـر الـقـاف تصخـيـر         

           وقـلبي يـحضـر والـمـوزع لـسـانـي  

واخذت مــن زين التمـاثل تصاويـر(5)   

               وعرضتهـا للي يفهمـون المعاني

ويبحل بهـا اللي مـا يـعـرف التدابـيـر     

              لا هـو مـرة ولا رجـل مشـبـهـانـي

يـــا خـي يـارمـثـان عـلي لا تـشـيــر 

         للديـره الـلـي مــا انـي الها مـدانـي

الديره اللي بـيه نـقص ومحاقـيـر(6) 

         مـا انـا على اهلهـا فضي(ن)بطاني

و رزقي على اللي كتب عيشة الطير              

                                اللي عليم بالخفا و البياني

كان ودك تنفـعـنـي ولاهـي معاذيـر   

              تراك تـنـفـعـنـي وانــا بـمـكـانـي

إن كان ربي ناوي(ن) لـي سبـب خير     

              لـو اتـودر عــن مـحاريــه جانـي

وإن كان ربـي حافر(ن) لـي دعاثـيـر   

             لو انـي بـكـبـد الخضـيـرا رمانـي

و أرضى بحكم الرب رب المقادير             

             صبر(ن) جميل و بالله المستعاني

شفي عسـيـر ولا على الله تعـاسيـر 

            ولو اتـمـنى مـا تـفـيـد الـتـمـانـي

شـفـي بـزوعات الـرعـايـا حزاويــر       

           أقطاع تـتـلـيهـا دواهــيـم ظــانـي

زاعن من الخنفه إلنفود المحافير 

قالوا [مصامدهن](7) ملا وغنمهن ثواني

وراح الـسلف وحـجـبن المظـاهـيـر       

       بـــروس الـنـوازي شـيـدن الـمـبـاني

 وتجمعت اطروشهم والصقاقير                     

        وكل(ن) يعد و خاطره مطرباني

من كل نجع(ن) يجونك دواوير                   

           كرام الشوارب مطلقين اليماني

ويلفون بيت زبون المخاسير                     

       فدمان(8) ما ينزل بدرب الوهاني

إن أقبلت خيل المعادي طوابير و                   

       ثار العسام و طار قلب الهداني

خزايزه منهم عيال(ن) معايير                       

         عوايد(ن )له من قديم الزماني

3-من قصائده أنه أتاه رجل وقال له : أبشرك يا فريوان إني بنيت لي قصر , فقال فريوان

 والله لوبنيت لك قصـر(ن) جديـد  

              وارتفعت بطابق(ن) حد السحاب

لـو ومـرت جنـود حـرار وعبـيـد       

              واقفيـن(ن) بالبـنـادق والـحـراب

لو طقمت الحوش بالباب الحديد  

             إن صكيتـه يفتـح الله ألــف بــاب

مــن هــذولا كلـهـن مــا تستفـيـد  

           الفـوايـد بالنـجـاه مـــن الـعــذاب

البـلا إلـى جـاك قـضـاب الـوريـد 

           هــادم الـلـذات قـصـاف الشـبـاب

والـبـلا مسكـنـك بالـقـبـر وحـيــد    

           مـا تعـرف شروقهـا مـن الغيـاب

الكـفـن مــن طــول زمـانـه يبـيـد  

           اللـحـم لـلـدود وعظـمـك للـتـراب

3-و من قصائدة حينما خايل البرق وهو بقصر جمعان بدومة الجندل , وكان المطر قد انقطع عنهم منذ زمن ففرح به وقال :

بــرق شـلـع والحـيـا غـربـة

                خلـتـه وانــا بقـصـر جمـعـانـي

 يـوم اشتـعـل كـنـه العـربـة

 4- و هذه رائعة من سلسلة روائع الشاعر  – رحمه الله – قيل في سبب هذه الأبيات أن فريوان – رحمه الله – مرض ثم شفاه الله عز و جل , فقال هذه الأبيات :

 أشـهـد إن العافـيـة مـالـهـا مـثـيـل 

               هـي ربيـع القـلـب وثـمـرة الحـيـاة

يــا الله يالـلـي لا مـقـل ولا بـخـيـل 

              يا مهبط(ن) سبـع وسبـع(ن) بنـاه

يا الله أطلبك السموحـة يـوم أعيـل 

           و اطلبك النجـاة يـوم وقـت الوجـاه

مـا حـلا الفنـجـال والـعـرب نـزيـل  

            والـحـلال شـبــاع بـــراس الـفــلاة

وملية المفواح مـن ركـن المسيـل  

        يـوم ينقـع بيـن البطـحـا والصـفـاة

تـرى الطيـب يندمـح لـه لـو يعـيـل  

           والـــردي مـــا يـنـتـواخـذ بــــرداه

تـرى الطيـب كـل مـا حمـل يشـيـل 

         والـردي أدنـاة مــا يبـهـض خـفـاه

إن احتاجك صـار لـك أقـرب خليـل  

         وان إحتجـتـه بــاع وجـهـه بقـفـاه

الــردي لـوطـاب لــه طـيـب قـلـيـل

         يجـزم إنــه طــاب طـيـب مــا وراه

ما درى إن الطيـب مرقـاب طويـل  

           كايـد(ن) مـا كــل مــن راده رقــاه

والـردي عـن رقيتـه صابـه جفيـل 

       مثل جفال الجرب عن حس الطلاة

أبيات من أروع ما قيل في الوصف والحكمة .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

(*)مرويات شعر فريوان رحمه الله أخذتها من الراوي و الشاعر سبيتان بن سويلم المنصور المفالحة الشراري, وبعض الإضافات أخذتها مفرقةمن أفراد من جماعتنا المفالحة .

(1) كما ذكر لي الأخ / هايل بن بنية بن اسيود الشراري

(2) عن طريق ابنه ممدوح برسالة واتس
(3) يوجد بلفظ : ( لو ان ) و هو أنسب
(4) يوجد بلفظ : ( لو ما يجي للناس )

(5)في لفظ:(و أنقى من زين المثايل تعابير  و أهديه للي…)

(6)وردت بلفظ :(الديرة اللي طبع أهلها وشكلها غير)

(7)ورد بلفظ: ( ملا مصامدها و غنمها ثواني)

(8) فدمان بن بادي بن مطلق بن عليان المفلحي الفليحاني الشراري شيخ العليان من المفالحة و فارس شهير رحمه الله.